Back ألكسندر يوحنا كوزا Arabic الكسندر يوحنا كوزا (سياسى من مولدافيا) ARZ Александру Іаан Куза Byelorussian Александру Йоан Куза Bulgarian Alexandre Joan Cuza Catalan Alexandr Ioan Cuza Czech Alexandru Ioan Cuza Danish Alexandru Ioan Cuza German Αλέξανδρος Ιωάννης Κούζας Greek Alexandru Ioan Cuza English
Alexandru Ioan Cuza (distaget [alekˈsandru iˈo̯aŋ ˈkuza]), pe Alexandru Ioan Iañ (20 Meurzh 1820 – 15 Mae 1873) eo ar priñs kentañ a renas war Priñselezhioù Roumania pa voe dilennet e penn priñselezh Moldavia d'ar 5 a viz Genver 1859 hag e penn priñselezh Valakia d'ar 24 a viz Genver 1859. Evel-se e voe unanet an div stadig. Da-heul e anvadur e penn an div briñselezh e roas lañs da bolitikerezhioù evit modernaat ar gevredigezh hag aozadur ar gouarnamant.
Evel penn an div briñselezh e klaskas lakaat an Impalaeriezh otoman da anavezout unvaniezh Moldavia ha Valakia ha klask a reas ivez unvaniñ an div stad d'ober ur vro hepken. E 1862 e voe kemeret gant an div briñselezh an anv nevez Priñselezhioù Unanet Roumania, gant ur gêr-benn (Bukarest), ur parlamant hag ur gouarnamant hepken.
A-enep politikerezhioù Alexandru Ioan Cuza e savas kalz a dud, anezho mirourien pe er c'hontrol frankizourien. D'an 22 a viz C'hwevrer 1866 e rankas dilezel e garg ha kuitaat ar vro. Tremen a reas ar peurrest eus e vuhez en harlu e Pariz, Vienna ha Wiesbaden, asambles gant e wreg hag e zaou vab. Mervel a reas e Heidelberg e 1873.